БӨП

(Контрольно-пропускной пункт (КПП))

1) тиісті құжаттар бойынша белгіленген тәртіппен адамдар мен көліктерді өткізетін, сондай-ақ әскери бөлімнің, мекеменің немесе белгілі бір ауданның аймағына (аймағынан) материалдық құралдарды кіргізудің (шығарудың) заңға сәйкестігін тексеретін арнайы жабдықталған орын. Б-ө.п-нде құрамында кезекші және оның көмекшілері бар тәуліктік наряд қызмет етеді. Б-ө.п-нен рұқсатсыз өтуді болдырмау үшін және бөлінген нарядтың қызметін өткеруі үшін қолайлы жағдай жасау мақсатында Б-ө.п. төмендегідей жабдықталады: бақылау-өткізу пункттерінің алдындағы ескерту жасайтын жол белгілері, шлагбаумдар, көру алаңдары, демалыс (жылынатын) орындары және басқалар. Б-ө.п-тері бөлім кезекшісімен берік байланыспен және сигнализациямен, жарық түсіру және өрт сөндіру құралдарымен қамтамасыз етіледі. Б-ө.п-тері, сондай-ақ жолдарда (лектік жолдарда) коменданттық қызмет ұйымдастырылғанда әскер лектерінің қозғалыс кестесін сақтауына бақылау жасау үшін құрылады.

2) шекара әскерлерінің жеке бөлігі (бөлімшесі), сондай-ақ осы бөлімдердің мемлекеттік шекараны қорғауға байланысты арнайы міндеттерді орындайтын орны.